فیڈ کے گورنر والر نے کہا ہے کہ اس سال کے آخر میں سود کی شرحیں کم کی جا سکتی ہیں
انہوں نے اعتماد ظاہر کیا کہ حالیہ معاشی ڈیٹا اس بات کی اجازت دیتا ہے کہ فیڈ سود کی شرحوں میں کمی کرے
ان کا کہنا تھا کہ صدر ٹرمپ کی تجارتی پالیسیوں سے مہنگائی پر جو دباؤ تھا وہ دیرپا نظر نہیں آتا
اگر مہنگائی 2 فیصد کے ہدف کے قریب آ جائے، روزگار مستحکم رہے اور ٹیرف کم رہیں، تو وہ شرح سود میں کمی کی حمایت کریں گے
انہوں نے کہا کہ مہنگائی میں کمی کا عمل جاری ہے اور لیبر مارکیٹ بھی مضبوط ہے اس سے فیڈ کو مزید وقت ملتا ہے کہ حالات کا جائزہ لے
یہ بیان ایسے وقت آیا جب اپریل کا پی سی ای پرائس انڈیکس جاری ہوا جو مہنگائی میں کمی کی عکاسی کرتا ہے لیکن بنیادی مہنگائی اب بھی 2 فیصد سے اوپر ہے
تاہم امریکی معیشت کے بارے میں غیر یقینی صورتحال اب بھی موجود ہے خاص طور پر ٹرمپ کے ٹیرف اقدامات کی وجہ سے
امریکہ اور چین کے درمیان کشیدگی دوبارہ بڑھ گئی ہے، جس سے سرمایہ کاروں کا اعتماد متاثر ہوا ہے
والر نے کہا کہ اب تک امریکی معیشت پر ٹیرف کا زیادہ اثر نہیں پڑا مگر آئندہ مہینوں میں حالات بدل سکتے ہیں
اگر ٹیرف میں مزید اضافہ ہوا تو یہ مقامی کاروباروں کے اخراجات بڑھا سکتا ہے جس سے تنخواہوں پر دباؤ اور مہنگائی میں اضافہ ہو سکتا ہے
